Guðmundur Eggertsson hefur skrifað um uppruna lífsins, og m.a. þann möguleika að líf hafi borist utan úr geimnum. Nýjasta bók hans, Ráðgáta lífsins er komin út hjá Bjarti.
29.11.2014 | 13:25
Ein af ráðgátum lífsins
Lífið á jörðinni á sér langa sögu en uppruni þess er enn mikil ráðgáta. Stóraukin þekking á innri gerð og starfsemi lífvera hefur ekki megnað að auka skilning á uppruna þeirra. Margvíslegar tilgátur um uppruna lífs hafa verið settar fram en um enga þeirra er einhugur. Jafnframt hefur reynst torvelt að svara spurningunni um eðli lífsins á sannfærandi hátt. Enn síður er til vísindaleg skýring á því að til skuli vera lífverur sem geta spurt spurninga um tilveru sína og uppruna.
Í þessari bók segir annars vegar frá upphafi sameindalíffræðinnar og merkum uppgötvunum sem lögðu grundvöllinn að nútímalíffræði. Hins vegar er fjallað um uppruna lífs og helstu tilraunir til að gera grein fyrir honum. Loks beinist umræðan að eðli lífsins og að meðvituðu lífi.
Dr. Guðmundur Eggertsson var um árabil prófessor í líffræði við Háskóla Íslands og vann að rannsóknum á sviði sameindaerfðafræði. Fjöldi greina eftir Guðmund hafa birst í íslenskum og erlendum tímaritum.
Hanna G. Sigurðardóttir ræddi við Guðmund Eggertsson í Samfélaginu í nærmynd 10. september 2014.Hvernig kviknaði lífið ?Á vef RÚV segir:
Hvernig gerðist það að lífvana efni jarðarinnar þróaðist í það sem við köllum líf ? Og hvernig er hægt að skilgreina líf út frá efnasamsetningu og ferlum ? Þessar stóru spuringar eru meðal þeirra sem sameindalíffræðingar glíma við.
Í bókinni Ráðgáta lífsins eftir Guðmund Eggertsson erfðafræðing er gerð grein fyrir kenningum ýmissa fræðimanna sem komið hafa fram um lausn þessarar gátu, en við henni hafa enn ekki komið fram svör sem sátt ríkir um. Meðal hugmynda er meðal annars tilgáta um að elding hafi verið hvatinn sem gerði að verkum að ólífrænt efni breyttist í líf. Samkvæmt annarri er reiknað með að lífrænt efni hafi borist til jarðar utan úr geimnum.
DNA lifði af ferð í gegnum lofthjúpinn | |
Tilkynna um óviðeigandi tengingu við frétt |
27.11.2014 | 13:37
Auka á nemanda: 22 þús. í HÍ, 80 þús. í HR
Undarlega atriðið varðandi fjármögnun HÍ í fjárlögum 2015 var aftenging á greiðslu og fjölda nemenda.
Undangengin ár hafa háskólar fengið greitt fyrir nemendur sem taka próf, en Menntamálaráðuneytið ákvað einhliða að aftengja þessa reglu við vinnslu fjárlaga 2015 (amk fyrir HÍ). Sú ákvörðun var ekki rökstudd.
Fyrsta útgáfa fjárlaga gerði sem sagt ráð fyrir að HÍ myndi kenna 500 nemendum frítt (ekki fá neinar greiðslur fyrir).Sem betur fer er þetta leiðrétt, amk að hluta í annarri útgáfu fjárlaga. HÍ fær þá um 300 milljónir umfram fyrstu útgáfu fjárlaga.
Mér var bent á það á kaffistofunni að HR fái um 250 milljónir einnig, þrátt fyrir að vera með um 1/4 af nemendafjölda HÍ.
Sannarlega eru allar háskólastofnanir á Íslandi undirfjármagnaðar. En það er forvitnilegt að hægri stjórnin skuli verja meira fé í hálfeinkavædda Háskóla en ríkisrekna háskóla.
Ætli þetta sé mynstrið í fjármálafrumvarpinu öllu?
Tölur:
Fjöldi nemenda við HR 2012 3200, við HÍ 2012 14.422.
Háskóli Íslands fær tæpar 300 milljónir | |
Tilkynna um óviðeigandi tengingu við frétt |
24.11.2014 | 09:57
Uppbygging plöntusamfélaga í beittu graslendi
Vísindi og fræði | Breytt s.d. kl. 09:59 | Slóð | Facebook | Athugasemdir (0)
21.11.2014 | 14:32
Að klóna flatorm eða loðfíl
Nýjustu færslur
- Eru virkilega til hættuleg afbrigði veirunnar sem veldur COVI...
- Grunnrannsóknir eina aðferðin til að skapa nýja þekkingu og e...
- Lífvísindasetur skorar á stjórnvöld að efla hlut Rannsóknasjó...
- Eru bleikjuafbrigði í Þingvallavatni að þróast í nýjar tegundir?
- Hröð þróun við rætur himnaríkis
- Leyndardómur Rauðahafsins
- Loftslagsbreytingar og leiðtogar: Ferðasaga frá Suðurskautsla...
- Genatjáning í snemmþroskun og erfðabreytileiki bleikjuafbrig...
- Fjöldi og dreifing dílaskarfa á Íslandi
- Staða þekkingar á fiskeldi í sjó