Plasthafið

Frábært framtak. Á norðanverðu Kyrrahafi er risastór plast flekkur, myndaður úr drasli frá okkur  og viðhaldið af straumakerfi Kyrrahafsins.

Plastið kemur frá okkur, en er auðvitað misjafnlega sýnilegt.

Besta ráðið er að kaupa minna plast.

Sleppa því að kaupa mat í pakkningum úr plasti, eða kaupa stærri eða "plastminni" pakkningar.

Af bloggsíðu við John Hopkins háskólann.

ítarefni.

Discover - The World's Largest Dump: The Great Pacific Garbage Patch

Eldri pistill um skylt efni:Plastfjallið

Yfir Kyrrahafið á plastflöskum

Athugasemdir

[Vendetta, 6.7.2010 kl. 15:50]

Og má kannski bæta við: "Ekki henda plastdrasli í hafið eða á ströndina!" Sem gamall sjómaður veit ég að svona drasli er hent fyrir borð á öllum skipum sem eru á sjó, en ég held að þetta drasl stafi af íbúum sem búa við Kyrrahfsströndina, allt frá Filippseyjum til Kamtchatka og frá Alaska til Chile.

Þótt sjófuglar festist stundum í þessu, þá er það góða við plast að það flýtur á yfirborðinu og er auðvelt að safna saman, ólíkt tunnum með eiturúrgangi sem er kastað fyrir borð, liggur á hafsbotni öldum saman og lekur út smám saman. Ég veit ekki hversu gott eftirlit er með þessum flutningum.

[Vendetta, 6.7.2010 kl. 15:59]

Ég hafði skrifað athugasemd mína áður en ég las þessar greinar. Neikvæð áhrif á dýralífið er mikið alvarlega en maður getur gert sér grein fyrir. Og það er augljóst að aðeins brot af þessu rusli getur verið hreinsað burt.

En þegar við höfum fyllt jörðina og höfin með sorpi, þá hlýtur næsta skref vera að bæta við það geimrusl, sem þegar er á braut um jörðu.  

[Arnar Pálsson, 6.7.2010 kl. 16:34]

Vendetta

Gott að heyra frá sjómanni, sem þekkir þetta af eigin raun. Mest af þessu er tilkomið á landi, og síðan úr gámum sem falla í hafið.

Þegar ég las Mannlausa veröld sló parturinn um plastagnirnar á ströndinni úr mér allan mátt. Plast er alls staðar, og það eyðist ekki.

Varðandi geimruslið þá las ég einhvern tímann grein um að uppsöfnun þess fer að verða vandamál fyrir geimferðir. Það er komið það mikið af rusli, að það fer að aftra ferðum gervihnatta og geimskipa. Það er samt ekki jafn aðkallandi og ruslið sem þekur höf og lönd.

[Sveinn Atli Gunnarsson, 6.7.2010 kl. 17:34]

Eitt sinn var orðalagið "Lengi tekur sjórinn við" nokkuð mikið notað. Vonandi er sá hugsunarháttur á hröðu á undanhaldi. Ég hef það á tilfinningunni að það sé almennt betri umhirða um náttúruna nú, en t.d. fyrir um 20-30 árum síðan, en það plastrusl (svo og annað) sem þegar er komið í náttúruna verður væntanlega ekki auðhreinsað í bráð.

[Arnar Pálsson, 6.7.2010 kl. 17:45]

Svatli

Góður punktur.

Aðal vandamálið við plast er að það brotnar ekki niður. Það molnar, en leysist ekki upp í frumefni sín.

Ekki er vitað um neinar lífverur sem geta nýtt sér orkuna sem býr í plasti.