Samkeppnissjóðir og háskólar fjársveltir

Í býtið ræddi við Tinnu Laufey Ásgeirsdóttur, lektor í hagfræði við Háskóla Íslands um fjármögnun háskólastarfs hérlendis. Tinna lagði áherslu á hversu litlum fjármunum við veitum til háskóla miðað við OECD.

Þegar háskólastigið er skoðað þá er eins og við séum á einhverjum allt öðrum stað. Þar erum við langt undir OECD meðaltalinu hvað varðar framlög til háskóla. Við þyrftum eiginlega að hækka framlög til háskóla um 60% til að vera nálægt meðaltali OECD  ríkjanna. Samt sem áður er það meðaltal kannski ekkert alveg það sem við viljum vera bera okkur við. Við þurfum í raun að tvöfalda framlögin til háskólanna til að vera á pari við hinn norðurlöndin

Ég tel meira aðkallandi að hérlendis eru samkeppnissjóðirnir smáir og eiga, ef menntamálaráðherra fær sínu framgengt, eftir að minnka.

Þótt að ég sé sammála því að auka framlög til háskóla, þá tel ég mikilvægara að fjárfesta í samkeppnissjóði en háskólunum a.m.k. á þessu stigi. Því ef samkeppnissjóðirnir verða of litlir, þá hafa rannsóknarstarfsfólk háskólanna enga sjóði í að sækja. 

Óska staðan væri ef stjórnvöld, alþingi og samfélagið myndu sameinast um að fjárfesta í hágæða menntun og rannsóknum, því það mun skila sér í hagvexti og bættum lífskjörum.

Visir.is 25. nóv. 2013. Tvöfalda þyrfti framlög til háskóla hérlendis.