Raunvísindaþing 2008

 

Á föstudag og laugardag mun Raunvísindadeild Háskóla Íslands standa fyrir þingi. Kynntar verða niðurstöður rannsókna á sviði t.d. jarðfræði, liffræði, efnafræði og stærfræði. Ráðstefnan er öllum opin og fer fram í Öskju, náttúruvísinda húsi Háskóla Íslands (við hliðina á Norræna Húsinu). Dagskrá má finna á vefsíðunni www.raunvis.hi.is/~thing/ en mér finnst vert að leggja áherslu á nokkur yfirlitserindi. Páll Hersteinsson fjallar um Tófuna og sveiflur í veðurfari (13:00 föstudaginn 14), Guðrún Gísladóttir kynnir kolefnisbúskap í jarðvegi á sögulegum tíma á Reykjanesskaga (laugardaginn kl 10:30) og Helgi Björnsson ræðir stöðu jöklarannsókna á Íslandi við upphaf 21. aldar (13:00 laugardaginn 15). Vissulega eru fleiri erindi athygliverð, sérstaklega styttri erindi um rannsóknir á flugum.

Athugasemdir

[Kolbrún Kolbeinsdóttir, 12.3.2008 kl. 01:37]

Æi nei..... verst að ég á ekki heimangengt, viss um að flugu-fyrirlesturinn verður alveg meiriháttar.....      Þú kannski græjar glósur fyrir okkur sem ekki komumst og setur hér á bloggið??

[Arnar Pálsson, 12.3.2008 kl. 14:56]

Hef reyndar ekki gert mínar eigin rannsóknir að umtalsefni hér. Vera má að hægri sannfæri vinstri og bót verði ráðin á. Á meðan læt ég duga tengil á síðu PNAS, þar sem grein um efni fyrirlestursins birtist.

Við erum að rýna í áhrif arfgerðar og mæðra á stærð eggja egg og fyrstu skref þroskunar í ávaxtaflugum.

[Kolbrún Kolbeinsdóttir, 13.3.2008 kl. 01:14]

Veistu Máni, ég held ég hafi alveg feilað sem líffræðingur.  Mig hefur lengi grunað þetta og eftir að hafa kíkt á þessa síðu sem þú sendir er allur vafi á burt.  Mér finnst það nú hálf sorglegt, sérstaklega verð ég sorgmædd í hvert skipti sem að rukkun kemur frá LÍN.