6.10.2017 | 17:34
Er maðurinn ennþá að þróast?
Maðurinn er kominn af öpum. Sem þýðir ekki að simpansar séu forfeður okkar, heldur að við og simpansar erum komnir af sama apanum sem lifði fyrir einhverjum 5 milljón árum eða svo.
Steinveringafræðingurinn Neil Shubin skrifaði fræga bók um þróunarlegan uppruna mannsins, sem hann kallaði okkar innri fiskur. Þar lýsti Neil því hvernig margt í byggingu og eiginleikum mannsins má útskýra með þeirri staðreynd að við og fiskar eigum sameiginlegan forföður.
Þróun er afleiðing breytileika í eiginleikum, erfða sem hafa áhrif á þá eiginleika og mishraðri æxlun. Af þessu þrennu leiðist að lífverur munu þróast. Og þar sem barátta er fyrir lífinu munu eiginleikar lífvera breytast, aðlagast umhverfinu og áskorunum lífsins.
Allar lífverur uppfylla þessi skilyrði og þar af leiðandi þróast allar lífverur. Alltaf. Líka menn, í dag.
Guðmundur Pálsson og Andri Freyr Viðarsson kölluðu okkur til samtals um þróun mannsins í síðdegisútvarp Rásar 2 þann 21. september síðastliðinn (samtalið hefst á 47 mínútu).
Ítarlegri pistill byggður á þessum er í vinnslu.
Ítarefni:
Arnar Pálsson 10. mars 2011 Eyðilegging á erfðamenginu skóp einkenni mannsins
Arnar Pálsson 29. maí 2017 Gen sem voru meinlaus fyrir 1000 árum eru banvæn í dag
Arnar Pálsson 1. nóv. 2011 Keyptu forfeður okkar heila fyrir garnir?
Flokkur: Vísindi og fræði | Breytt s.d. kl. 17:38 | Facebook
Nýjustu færslur
- Eru virkilega til hættuleg afbrigði veirunnar sem veldur COVI...
- Grunnrannsóknir eina aðferðin til að skapa nýja þekkingu og e...
- Lífvísindasetur skorar á stjórnvöld að efla hlut Rannsóknasjó...
- Eru bleikjuafbrigði í Þingvallavatni að þróast í nýjar tegundir?
- Hröð þróun við rætur himnaríkis
- Leyndardómur Rauðahafsins
- Loftslagsbreytingar og leiðtogar: Ferðasaga frá Suðurskautsla...
- Genatjáning í snemmþroskun og erfðabreytileiki bleikjuafbrig...
- Fjöldi og dreifing dílaskarfa á Íslandi
- Staða þekkingar á fiskeldi í sjó
Athugasemdir
Ég verð að halda áfram að mótmæla apa-skyldleikanum:
Allt líf var flutt til jarðarinnar frá öðrum plánetum:
http://thjodarskutan.blog.is/blog/gudspekifelag_s/entry/2200308/
Jón Þórhallsson, 6.10.2017 kl. 18:04
Hins vegar er rétt hjá ykkur að allt líf/hegðun þróast eitthvað smávegis;
hérna gæti t.d. verið næsta skref í okkar ÞRÓUN:
http://thjodarskutan.blog.is/blog/thjodarskutan/entry/2197645/
Jón Þórhallsson, 6.10.2017 kl. 18:09
Nú þroskast homo sapiens islandicus meira til fótanna en til höfuðsins. Þetta skilar sér í afleitum stjórnmálamönnum, enn verri vísindamönnum en aldeilis frábærum knattspyrnumönnum.
Vilhjálmur Örn Vilhjálmsson, 7.10.2017 kl. 06:15
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.