Klónaðir bananar

Velflestar bananaplöntur sem ræktaðar eru í heiminum hefur verið fjölgað með græðlingum, en ekki með fræi. Vísindamenn hafa lengi varað við hættunni af þessu, því slík einræktun veldur því að lítill breytileiki finnst í stofninum. Ef enginn breytileiki er til staðar þá er allur stofninn í hættu, ef pestir ná fótfestu.

Þess vegna eru það mjög alvarlegar fréttir að tvær plágur herji nú á bananaekrur í Afríku. Erfðabreytileiki er ekki bara áhugamál þróunarfræðinga og vistfræðinga, heldur lífsnauðsynleg auðlind.

Ítarefni:

Banana diseases hit African crops  Thursday, 27 August 2009

Lack of Sex Life Threatens Banana Crops Steve Conner The Independent July 27, 2001 (af vef national geograpic)

Bananauppskera í Afríku í hættu

Athugasemdir

[Stjörnufræðivefurinn (www.stjornufraedi.is), 28.8.2009 kl. 13:56]

Athyglisvert.

En ætli Egill Helgason ráði þarna ríkjum? Hann treystir auðvitað ekki vísindamönnum til að benda á hættur.

[Arnar Pálsson, 28.8.2009 kl. 14:03]

Ég treysti mér ekki að segja til um hversu víða áhrifa Egils Helgasonar ná, en þau virðast teygja sig eitthvað upp eftir Miklubrautinni.

[Rebekka, 31.8.2009 kl. 11:20]

Ég las einhvern tímann að bananauppskera hefði gjörsamlega hrunið um miðja 20. öld vegna sveppasýkingar og að lokum hefði verið skipt um "tegund" (útsæði? afbrigði?),  frá s.k. "Gros Michel" í "Cavendish" banana, til að ná uppskerunni aftur á strik.  Skyldi þetta koma fyrir aftur bráðlega?

[Arnar Pálsson, 3.9.2009 kl. 15:23]

Rebekka

Svona einsleit ræktun er í mikilli hættu. Ef við værum skynsamari myndum við rækta fleiri afbrigði og undirtegundir, sem myndi skila sér í margfallt fjölbreyttari fæðu!