Grein um viku opins aðgangs

Nýliðin er vika opins aðgangs. Af því tilefni birtist grein eftir Hrafn H. Malmquist, Guðmund Á. Þórisson og Ian Watson á visir.is. Þar segir m.a.

Vikan 21.-27. október er árleg vika opins aðgangs. Opinn aðgangur merkir að útgefið efni sem er afrakstur vísindastarfs kostað af opinberu fé, háskólunum eða samkeppnissjóðum, sé aðgengilegt öllum á rafrænu formi á netinu án endurgjalds.

Almennt gildir það að til þess að geta lesið ritrýndar greinar ritaðar af háskólamenntuðum fræðimönnum, sem þiggja laun eða styrki frá hinu opinbera til þess að stunda rannsóknir sínar og fræðistörf, þarf að greiða áskriftargjald að fræðiritum. Ein helstu rökin með opnum aðgangi eru að almenningur eigi ekki að þurfa að greiða þriðja aðila fyrir að sjá afrakstur vinnu sem hann hefur þegar kostað óbeint með skattpeningum sínum.

Spurningin um opinn aðgang er þó ekki aðeins spurning um sanngirni gagnvart skattborgurum. Hún snýst einnig um akademíska skilvirkni, akademískt frelsi, nýsköpun og framfarir í hnattvæddum heimi.

http://visir.is/vika-opins-adgangs/article/2013710259983

þetta er stytt útgáfa af lengra stykki eftir Hrafn sem birtist í tíundu útgáfu Kjarnans:

http://kjarninn.is,

undir Blaðahilla http://kjarninn.is/kerfi/wp-content/uploads/2013/10/2013_10_24.pdf

Bestu þakkir Mummi fyrir ábendinguna.