Gul blaðra...sjáðu gul blaðra...sjáðu gul blaðra...

Maður skyldi ætla að á virðulegum fjölmiðlum sé einhver sem hafi yfirumsjón með hverjum málaflokki. Tökum vísindi og tækni sem dæmi, það væri e.t.v. einhver ritstjóri yfir þeim greinum sem birtar yrðu undir þeim málaflokki. Sem ákvæði hvort að efnið sé nægilega vandað og hvort það eigi erindi við íslenska lesendur. Slíkur ritstjóri gæti t.d. komið í veg fyrir að sama fréttin birtist aftur og aftur, undir mismunandi fyrirsögnum.

Þá hefði verið hægt að koma í veg fyrir að mbl.is birti tvær fréttir um sama efni á innan við viku.

Ætla að klóna mammút

og

Reisa loðfílinn upp frá dauðum

Spurningin um upprisu loðfílsins er í sjálfu sér ágætlega spennandi, en sérstaklega hvernig vísindamennirnir koma sér í fjölmiðla án þess að gera nokkurn skapaðan hlut - sjá t.d. Komast á forsíður án þess að klóna loðfíl.

Ég veit ekki hver ástæðan er fyrir því að sama fréttin birtist tvisvar undir keimlíkum fyrirsögnum (ath þetta er ekki eina dæmið!).

Er ritstjórn vefmiðilsins mbl.is losaraleg?

Lesa fréttamenn mbl.is ekki sinn eigin miðil?

Eða halda þeir að við séum svona hryllilega ginkeypt...nei vá gul blaðra, og önnur gul blaðra, ooooh, blá blaðra....

Reisa loðfílinn upp frá dauðum

Athugasemdir

[Jón Ferdínand (IP-tala skráð) 10.12.2011 kl. 14:27]

Mér hefur lengi þótt vísindadálkur mbl.is til háborinnar skammar!

Því miður er þetta eina íslenska fréttaveitan sem hefur sér dálk fyrir slíkar fréttir!

[Kristján Sigurður Kristjánsson, 10.12.2011 kl. 17:39]

ert að segja að ef að Jesú yrði klónaður gæti það orðið vondur maður?

[Arnar Pálsson, 11.12.2011 kl. 13:45]

Sæll Jón

Ég er sammála - vinnubrögðin eru frekar léleg.

Vísir.is var með svona dálk í nokkur ár, en lagði hann síðan af.

Kristján

Nokkrum spurningum er ósvarað.

Við höfum náð að klóna froska, kindur, ketti og nokkur önnur hryggdýr en aldrei mannveru. Ef Jesú var til og að hann hafi verið maður en ekki froskur, þá er fjarska ólíklegt að við gætum klónað hann/hana (jafnvel þótt að við hefðum erfðaefni eða jafnvel heila frumu úr Jesú).

Síðan er óvíst hvort að innræti (góður/vondur) ráðist af genum eða umhverfi?