Strandfurur eru ekki risafurur

Strandfurur eru ekki risafurur. Einhver miskilningur hefur læðst inn í frétt mbl.is, á skógarbruna í Yosemite þjóðgarðinum. Mig grunar að þeir hafi ruglast á stærstu lífveru jarðar og hæstu lífveru jarðar. Risafurur (Sequoiadendron giganteum) eru stærsta (í grömmum taldar)*, en strandfurur (Sequoia sempervirens) voru taldar geta orðið hæstar**

Yosemite dalurinn og þjóðgarðurinn er frekar fjarri strönd Kyrrahafsins, umlukinn tröllauknum klettum og skógi vaxinn.

Innan svæðisins eru þrír lundir með risafurur og þær eru nú í hættu. Reyndar kveikja skógfræðingarnir reglulega í gróðri á svæðinu, m.a. til að koma í veg fyrir að mikill eldsmatur sé til staðar, að mig grunar einnig til að hjálpa fræjum að spíra.

Myndina að ofan tók ég í Kings Canyon reitnum haustið 2005.

Neðri myndin er tekin af sama tilefni, og sýnir stýrðan bruna á svæðinu.

*Sumir segja reyndar að vissir jarðvegssveppir spanni þvílíkt flæmi að hver "einstaklingur" hljóti að vera þyngri en risafura.

**Önnur tré hafa samt náð meiri hæð, sjá vísindavefinn.

Guðjón S. Jenssen leiðrétti skilgreininguna á furum Leiðrétting

Ítarefni:

JMH. „Hversu há og hversu þung er risafura í samanburði við steypireyði?“. Vísindavefurinn 29.11.2005. http://visindavefur.is/?id=5443.

HMH. „Hvert er stærsta tré í heiminum?“. Vísindavefurinn 20.7.2000. http://visindavefur.is/?id=676. (Skoðað 27.8.2013). 

Wikipedia Sequoiadendron giganteum

Sequoia sempervirens - USDA Forest Service

Hæstu tré heims í hættu

Athugasemdir

[Gunnar Th. Gunnarsson, 27.8.2013 kl. 19:30]

Á vísindavefnum er talað um myrtutré (lauftré) sem hæsta tréð. Það má vera að einstaklingur af þessari tegund sé hæsta tré sem mælt hefur verið, en sem tegund er það Sequoia sempervirens, sem kallaður hefur verið rauðviður á íslensku, coast redwood, California redwood, og giant redwood á ensku. Þetta er sígræn tegund af sýprus ætt og er því ekki fura.

[Jóhann (IP-tala skráð) 27.8.2013 kl. 23:38]

Mikið afskaplega er þetta skringileg grein!

Hefuru virkilega áhyggjur af tegundagreiningu þegar skógareldar geisa?

[Arnar Pálsson, 28.8.2013 kl. 10:22]

Takk Gunnar fyrir að skerpa á þessu!

Jóhann.

Það skiptir máli hvaða tré eru að brenna.

Ef þetta væri ekki risafura, sem finnst í fáum lundum í Kaliforníu, þá væri þetta ekki jafn mikil frétt.

Strandfuran er með mun víðari útbreiðslu.

[Ari (IP-tala skráð) 30.8.2013 kl. 13:45]

Hún er reyndar kölluð strandrisafura, giant sequoia systir hennar er kölluð risafura

[Ari (IP-tala skráð) 30.8.2013 kl. 13:47]

Risafuran General Sherman er stærstur að umfangi http://en.wikipedia.org/wiki/List_of_superlative_trees#Largest_by_volume

en strandrisafuran Hyperion er hæst http://en.wikipedia.org/wiki/List_of_superlative_trees#Tallest