Vísindi á mannamáli á youtube

 

Jórunn Erla Eyfjörð, prófessor við Læknadeild Háskóla Íslands, fjallaði um rannsóknir á krabbameini og möguleika á að nýta nýja þekkingu til bættrar læknismeðferðar í hádegiserindi í Hátíðasal Háskóla Íslands þriðjudaginn 21. október 2014. Erindið er hluti af nýrri fyrirlestraröð sem Háskóli Íslands hleypir nú af stokkunum og ber heitið Vísindi á mannamáli.

https://www.youtube.com/watch?v=n19yBUB62Vs

Vísindi á mannamáli er ný fyrirlestraröð Háskóla Íslands sem efnt er til að frumkvæði Lífvísindaseturs og Líffræðistofu Háskóla Íslands.

Markmiðið er að varpa ljósi á það hvernig vísindamenn háskólans reyna að afhjúpa leyndardóma náttúrunnar og hvaða þýðingu vísindarannsóknir hafa fyrir daglegt líf fólks, t.d. baráttu við sjúkdóma eða náttúruöflin eða til að auka lífsgæði og takast á við nýjar áskoranir tengdar breytingum í umhverfinu.

Næsta erindi verður 18. nóvember n.k. Verðmæti vísinda – Frá grunnrannsóknum til lækningavara á markaði

Ágústa Guðmundsdóttir, prófessor við Matvæla- og næringarfræðideild Háskóla Íslands, fjallar um tilurð og vöxt líftæknifyrirtækisins Zymetech og tengsl þess við grunnrannsóknir í skólanum í öðru erindi fyrirlestraraðarinnar Vísindi á mannamáli sem Háskóli Íslands stendur fyrir. Erindið verður í Hátíðasal Háskóla Íslands þriðjudaginn 18. nóvember nk. kl. 12.10.

Erindi hennar nefnist Verðmæti vísinda – Frá grunnrannsóknum til lækningavara á markaði.

 

Athugasemdir

[Jón Þórhallsson (IP-tala skráð) 11.11.2014 kl. 21:24]

Gætu krabbameinssjúkir komið sér saman um einhvern 1 LEIÐTOGA? 

(Þá er ég ekki að tala um heilbrigðisstarfsfólk, lækna og lyfjafræðinga heldur trúarleiðtoga eins og biskupinn eða aðra sambærilega).

= Hvar er Móses nútímans sem veit hvert á að stefna/Að hverju á að leita?

[Arnar Pálsson, 12.11.2014 kl. 15:55]

Sæll Jón

Þú hefur borið þessa spurningu upp áður og þá botnaði ég ekkert í henni.Hugsun minni hefur ekki fleytt fram síðan þá.

[Jón Þórhallsson, 12.11.2014 kl. 16:25]

Málið snýst um; hvort að til séu einhverskoanr ANDLEGIR MEISTARAR sem þú þarft að vera í nánum tenglslum við reglulega með allt þitt líferni/lífstíl til að rata hina réttu leið til fullkomnunar. (Svo að það þurfi ekki alltaf að vera að leysa vandamálin þegar í efni er komið).

http://thjodarskutan.blog.is/blog/thjodarskutan/#entry-1433984

[DoctorE (IP-tala skráð) 13.11.2014 kl. 09:04]

Eru menn hátt uppi á lyfjum hér, eða hvað

[Arnar Pálsson, 13.11.2014 kl. 10:07]

Sæll Jón

Af hverju ættu krabbameinsjúkir, frekar en aðrir, að leita a andlegum meistara?

DoctorE

Ég reyni að hafa þann hátt á að fjalla um viðfangsefnin ekki viðmælendurna, og þætt vænt um ef aðrir gerðu það líka hér.