Simpansar myndu elda, ef þeir hefðu tækifæri til þess

Er betra að borða matinn strakz eða bíða á meðan hann er eldaður?

Flestir halda að simpansar vilji helst hráan mat og skorti getuna og þolinmæðina til að elda mat.

Rannsóknir dýrafræðinga og atferlisfræðinga frá Harvard í Kongo sýna að apar eru tilbúnir að bíða eftir því að sæt kartafla sé elduð, frekar en að borða hana hráa. Það sýnir að þeir vilja frekar eldaðan mat og að þeir hafi þolinmæði til að bíða eftir matseldinni.

Rannsókninni var lýst í grein í Proceedings of the Royal society B og fjallað var um hana á vef New York Times. Þar má sjá myndbönd af hegðun simpansanna, og þeim tilraunum sem gerðar voru.

Ítarefni:

James Gorman Chimps Would Cook if Given the Chance, Research Says NY Times 2 júní 2015.

Felix Warneken, Alexandra G. Rosati Cognitive capacities for cooking in chimpanzees

DOI: 10.1098/rspb.2015.0229 3 June 2015

Athugasemdir

[Arnar H. (IP-tala skráð) 3.6.2015 kl. 16:14]

Eins og alltaf þá eru þetta gervi vísindi.

Hvað í ósköpunum á þetta að sanna?

Eh, að dýrategundir eru tilbúnar til að bíða í einhvern tiltekinn tíma uns fæðan tekur á sig aðra mynd.

Vá, stórkostlegt...

Síðan kvartar þú sjálfur yfir því hvað það er mikið um gervi vísindi, eða fræði.

Þarna er fullkomið dæmi um þar sem verið er að gera vísindin "fanatical", og þú blæst í lúðra.

Ekkert að kvarta undan þínu tjáningafrelsi, en þarna liggur akkúrat vandamálið.

[Arnar Pálsson, 5.6.2015 kl. 08:52]

Takk Arnar H. fyrir innleggið og tækifæri til að ræða þessa grein aðeins betur.

Án þess að fara út í það ítarlega, þá liggur munurinn á gervivísindum og vísindum ekki bara í því hvað er rannsakað, heldur aðallega hvernig.

Spurningarnar sem fjallað var um í þessari rannsókn, sem ég gerði sannarlega ekki nægilega ítarleg skil (sjá frekar tengil á NYTimes og http://www.mbl.is/frettir/taekni/2015/06/03/simpansar_gaetu_eldad/), tengjast atferli prímata og andlegum hæfileikum þeirra og okkar.

Eðli málsins samkvæmt er erfitt að rannsaka atferli, það er erfitt að greina alla þætti þess og sérstaklega að finna hvaða þættir vega mest eða hvaða andlega færni liggur til grundvallar.

Tilraunirnar sem lýst er í greininni sýna að apar hafa þolinmæði og sýni fyrirhyggju. Því hefur lengi verið haldið fram að bara menn sýndu almennilega fyrirhyggju, en apar geta greinilega plottað til framtíðar, ef það skilar þeim betri bita.

Þessi rannsókn ein og sér vegur etv. ekki mjög mikið, en fleiri áþekkar hafa líffræðilegar rætur fyrirhyggju og þolinmæði má finna í nánustu ættingjum okkar.