Tilraunir á börnum í Hvíta-Rússlandi

Ungabörn sem nærast á brjóstamjólk eru að meðaltali greindari en þau sem fá ekki brjóstamjólk. Spurningin er hvort um orsakatengsl sé að ræða og þá í hvora áttina. Veldur greind því að börnum eru gefin brjóst, eða gerir brjóstamjólkin börnin greind.

Eina leiðin til að greina á milli, er að gera tilraun, skipta barnahópi í tvennt (handahófskennt!) og láta helminginn fá brjóstamjólk en hinum helminginn þurrmjólk. Finnst engum athyglisvert að gera slíka tilraun á börnum? Ef þú værir spurð(ur): viltu leyfa okkur að framkvæma rannsókn á barninu þínu og gefa því annað hvort brjóstamjólk eða þurrmjólk hverju myndir þú svara?

Kanadískir vísindamenn fóru til Hvíta-Rússlands til að gera þessa rannsókn, e.t.v. vegna þess að þar er hægt að sannfæra foreldra um að setja börnin sín í slíka tilraun. Vera má að ég sé með óþarfa viðkvæmni þurrmjólk hefur jú verið notuð um áratugaskeið, en þetta er varhugavert fordæmi. Ótækt er að vísindamenn eða fyrirtæki leiti til fátækari landa til að stunda siðferðilega vafasamar rannsóknir.

Að auki þarf þýðingarþjónusta mbl.is að fá högg á botninn fyrir að stela frétt BBC (athugið þetta er ekki fyrsta skipti). Fyrstu málsgreinar mbl.is pistilsins:

"Æ fleiri rannsóknir benda til þess að börn sem nærast á brjóstamjólk á fyrstu þremur mánuðum ævinnar séu með hærri greindarvísitölu heldur en þau sem fá þurrmjólk. Í nýrri rannsókn sem unnin var við McGill háskólann í Kanada kemur fram að börn sem fengu brjóstamjólk fengu fleiri stig í mælingu á greindarvísitölu við sex ára aldur.

Ekki er hins vegar vitað hvort það er brjóstamjólkin eða tengslin sem myndast við brjóstagjöfina sem hefur þessi jákvæðu áhrif. Þetta kemur fram á fréttavef BBC.

Rannsókn McGill háskólans náði til 14 þúsund barna og er niðurstaða hennar svipuð og fjölda annarra rannsókna á þessu sviði. Hins vegar hefur ekki tekist að sanna það í fyrri rannsóknum að það sé móðurmjólkin sem hafi þessi áhrif, samkvæmt frétt BBC. Því staðreyndin sé sú að mæður sem búa við betri kjör eru líklegri til þess að vera með börn á brjósti og að það séu fjölskylduaðstæður sem hafi áhrif á gáfnafar."

Og samsvarandi texti fréttar BBC: 

"More evidence is being put forward that breastfed babies eventually become more intelligent than those who are fed with formula milk. Canada's McGill University found breastfed babies ended up performing better in IQ tests by the age of six.

But the researchers were unsure whether it was related to the breast milk itself or the bond from breastfeeding.

The study of nearly 14,000 children is the latest in a series of reports to have found such a positive link. However, one problem has been that some of the research has struggled to identify whether the findings were related to the fact that mothers from more affluent backgrounds were more likely to breastfeed and it was factors related to the family circumstances that was really influencing intelligence."

Áhrif brjóstamjólkur á greind barna

Athugasemdir

[Jóhannes (IP-tala skráð) 7.5.2008 kl. 16:54]

Áður en þessir menn framkvæmdu tilraunina. Hversu líklegt töldu þeir að það að fá ekki brjóstamjólk hefði slæm áhrif á börn? Ef þeir töldu það líklegt hvernig gátu þeir með góðri samvisku framkvæmt tilraunina og hvaða ávinning sáu þeir í að framkvæma hana?

Er þetta ekki eitthvað sem vísindamenn þurfa að spyrja sig áður en þeir halda af stað út í tilraunir þar sem ,,tilraunadýrin" geta hlotið skaða af framkvæmdinni?

 Annars held ég að hvort fékkst brjóstamjólk eða ekki hafi lokaáhrif á hvort þú verður frægur vísindamaður eða skítugur bóndadurgur (hehe ég er úr sveit má gera sveitagrín).

[Sigrún Þöll (IP-tala skráð) 8.5.2008 kl. 07:42]

Svo til að rugla mann en meira getur maður lesið þetta

 http://news.bbc.co.uk/2/hi/health/5398738.stm

[Arnar Pálsson, 8.5.2008 kl. 09:00]

Sigrún

Spurningin um áhrif brjóstamjólkur á greind hefur lengi verið á borðinu, og svörin verið á ýmsa vegu eins og tilvitnunin þín gefur til kynna. Þess vegna er nýja rannsóknin svo mikilvæg, af því að hún er hönnuð þannig að hægt sé að sundurliða félagslegu áhrifin og þau líffræðilegu. En eins og...

Jóhannes...

kemur inn á er einungis hægt að framkvæma svona rannsóknir á mönnum ef það er mjög skýrt að meðhöndlunin hefur ekki skaðleg áhrif. Sem betur fer eru siðareglur lækna og vísindamanna mjög skýrar í flestum löndum, hagur sjúklinga er settur á oddinn. Upplýst samþykki þarf fyrir því að viðkomandi taki þátt í að prófa t.d. nýja meðferð.

Það er alveg rétt hjá þér að brjóstamjólkurdrykkja er engin trygging fyrir afburðagreind. Áhrifin eru veik, og sjást einungis þegar margir einstaklingar eru skoðaðir. í þessu tilfelli þýða margir 14000, þannig að munur á meðalgreind hópanna getur verið frekar lítil.

Sem ég er vísindamaður úr sveit tek ég síðustu setninguna sem hól...líklega af því að ég veit ekki betur!

[Arnar Pálsson, 8.5.2008 kl. 16:31]

LF

Tilraunin sem þú lýsir er nokkuð meinlaus, en aðrar tilraunir geta verið áhættusamari.

Það er ekki borðlagt að allar framfarir krefjast fórna.

Jafnvel þótt svo sé, eigum við þá ekki að færa þær sjálf, í stað þess að nýta sér eymd annara til að gera tilraunir. Ef við getum ekki varið að framkvæma lyfjaprófanir á íslenskum börnum, þá eigum við ekki að framkvæma þær erlendis.