Þau reynda að kenna barninu mínu vísindi

Mælir ung og myndarleg móðir sem vefur örmum um ungan son sinn. Margar og skelfilegar ógnir steðja að börnum en engin er jafn hryllileg og vísindin. Hugsið ykkur hvað gerðist ef fólk tryði einungis því sem vísindaleg rök eru fyrir og tryði ekki því sem hafi verið vísindalega afsannað? Heimurinn er á heljarþröm og vísindamennirnir vinna að því allir sem einn að ýta honum fram af. Vísir.is hefur þó gripið til afgerandi aðgerða og lokað á greinaflokk sinn um "vísindi og tækni" á vefsíðunni. Vonandi bera aðrir fjölmiðlar gæfu til að kveða niður þessa óáran áður en brjálaðir vísindamenn finna fleiri hættulegar veirur, skilgreina fleiri sjúkdóma eða lýsa dýrategundum sem deyja út hvort eð er.

 

Forsíðumyndin "helgarblaðsins" er af vefsíðu lauksins (www.theonion.com). Það er alltaf gott að spegla sig í lauknum.

Athugasemdir

[þorkell Arnar (IP-tala skráð) 3.12.2008 kl. 14:54]

Ef meðvitundin og frelsi hugsunargetu þinnar er fært um að skilja að allur endir á sér upphaf ,og sér því að tími og rými eru endanlegar reglur,og að sótthreinsaðar uppsprettur DNA keðjunnar er hvergi að finna í náttúrunni, en uppsprettu þess samt aðeins að finna í alheiminum? Afhverju sérðu ekki ,sem þannig getur og veit fyrir tilstilli óviðjafnanlegrar meðvitundar þinnar,sem lyfst getur yfir veraldleikann og ráðið yfir eigin lífi, og fundið þig ofar efnisheiminum,að þitt eigið líf er hafið yfir veraldleg takmörk? Að geta þetta ,sé ekki af eigin völdum komið? Að þú þarf aðeins að trúa, til að finna varanlegan sannan frið? Er erfðafræðin kannski of vel borguð til að fórna þróunarkenningunni.?Maður spyr sig.

[Gissur Örn (IP-tala skráð) 3.12.2008 kl. 16:01]

Ég vill vera fyrstur til að segja við kommenti Þorkells Arnars:

HA???

[Þorkell Arnar (IP-tala skráð) 3.12.2008 kl. 16:03]

Leiðrétting" en uppsprettu þess samt aðeins að finna í alheiminum?"

á að vera "en tekur framyfir óstaðfestar og órökstuddar getgátur RNA þróunardrullupollakenningar, um tilurð sína og sem uppsprettu meðvitundarinnar, sem upphaf sitt, og sé því aðeins að finna í alheiminum?"

p.s.

En finnir þú uppsprettu lífsins í efnisheiminum, og ef rannsóknir á honum gefa þér sanna fullvissu um, hvert svarið er um samræmi allra náttúrulegra hluta og gagnsemi þeirra innbyrðis, allt frá upphafi þeirra, og að sanngjörn réttlætisskipting sanninda æðra valds ,að lífsstríði skapnaða mannsálna loknu skipti ekki máli, vegna nýrra uppgötvanna og hátæknibúnaðar sem leiða munu eftirlifendur þeirra  til batnandi vegar frá striti og þraut lífs forfeðra þeirra.

Velkist ekki í neinum vafa um að orsök hugans og samviskunnar sé meiningarlaus þróun þblindrar þarfar fyrir meiri og þróaðri kynbætur, og óttast ekki örlög þinnar meðvitundar, eftir gengið kynæxlað jarðlífið, eða í endanlegri nútímaveröldinni einni og sér,  tja þá hneigi ég mig fyrir þér og viðurkenni að þú ert bæði mér meiri maður og mér meiri hugsuður.

Þá skal ég fúslega taka við þróunarkenningunni og erfðafræðinni sem leiðarljós meðvitundar minnar, séu þessi vísindi í rauninni þín eigin niðurstaða um gæfu og gengi og leiðarvísir inn í framtíð okkar og mannkynsins.

Friður sé yfir þér og fyrirgefðu ef ég hef móðgað nám þitt eða námsferil í líffræðikenningum háskólanna. Það er ekki af virðingarleysi fyrir hinum sérlega gagnlegu og ánægjulegu rannsóknum sem líffræðin getur af sér. Ég les líffræði mér til mikillar ánægju reglulega og er mikill aðdáandi hennar,nema gamalla þaulsetinna þróunarkenninga sem eru þar aðeins til að taka heiður vitsmunahönnuðarins út úr henni og heiðra fremur verðlaunahafa hennar og þar með vísindastyrkina sem berast jú til fræðimannanna sjálfra meðan þeir afneita vitsmunalegum tilgangi og markmiði óorsakaðrar orsakar, fyrir sér sjálfum.   

[Arnar Pálsson, 3.12.2008 kl. 17:17]

Þorkell Arnar

Ég verð að taka undir með Gissuri og hvá. Seinni athugasemdin var aðeins skýrari, en þó verð ég að viðurkenna að ég fylgi hugsun þinni ekki alveg eftir. Ég þakka kærlega innleggið engu að síður.

Vísindalegar hugmyndir um uppruna lífsins er erfitt að prófa, og því fyrir finnst töluverður fjöldi tilgáta sem ganga hver á aðra þvera. En eftir að lífið varð til þá þurfum við ekki flóknari kenningu en þróunarkenninguna til að útskýra aðlögun lífvera, varðveislu lykileiginleika (eins og DNA) og fjölbreytileika lífsins. Margt fólk trúir vissulega einhverri (eða fleiri en einni) af þeim aragrúa af sköpunarkenningum sem mannfólk hefur á blað sett eða í stein hoggið, en því miður hafa þær kenningar lítið vísindalegt gildi.

Ég tek undir athugasemd þína um að flestir eiga að geta fundið gleði í líffræði, næstum því sama hver heimsýnin er (vissulega finnast mannverur sem eiga í basli með að meðtaka hinn náttúrulega heim og tilveru sína í holdlegum líkama, en við látum það liggja milli hluta að kryfja þeirra heimsýn hér).

[Haraldur Rafn Ingvason, 5.12.2008 kl. 23:45]

Þetta getur maður sko kallað skrúðmælgi

Ég botna samt ekkert í því þegar verið er að vesenast með þessa handónýtu hugmynd um vitsmunslega hönnun. Af hverju notast menn ekki bara við sköpunarkenninguna? Þetta er jú trú og hún krefst ekki vísindalegra sannana eins og hann Páll Óskar bendir svo snilldarlega á í textabrotinu hér að neðan.

"Hvort sem það er stórt eða agnarsmátt

Ég skynja einhvern meiriháttar mátt 

Ég þarf enga sönnun

Ég finn og veit og sé 

Með allri sinni þekkingu og fé

Aldrei gæti maður skapað tré"

o.s.frv... 

Annars er sköpunarkenning ásatrúarinnar alltaf í svolitlu uppáhaldi hjá mér...

[Arnar Pálsson, 6.12.2008 kl. 11:39]

Haraldur

Heimurinn búinn til úr slátruðum risa, hvað getur verið kræsilegra? 

Erlendis er gerður skýr greinarmunur á þeim sem aðhyllast vitræna hönnun og þeim sem eru beinharðir sköpunarsinnar. Vitrænu-hönnunaristarnir (svo maður noti -ista endinguna sem sumir hengja aftan á Darwin til að reyna að stuða fólk) hafna ekki aldri jarðar og sumir viðurkenna sameiginlegan uppruna lífvera (þróunatréð), en vilja samt að einhver guð hafi gert manninn sérstakann með smá galdri. Í raun er þetta samfellt róf viðhorfa, frá hreinni bókstafstrú á biblíuna, til vísindalegrar efahyggju, það er að meðtaka þróun lífsins af völdum náttúrulegra krafta eingöngu.

Hérlendis er ég ekki viss um að þessir undirflokkar séu greinilegir.

Lifi Páll Óskar.