Genastjórn undir hettu

Rannsóknirnar mínar snúast um genastjórn og þróun hennar. Ég hef sérstakan áhuga á röðum sem hafa áhrif á það hvar, hvenær og hversu mikið er myndað af mRNA viðkomandi gens, þetta er hinar eiginlegu stjórn og efliraðir. Slíkar raðir eru sérstaklega mikilvægar í þroskun því þær eru oft notaðar til að ákvarða hvaða genum er kveikt á í viðkomandi vef (t.d. aktín og mýósín í vöðva) og það sem er álíka mikilvægt, hvaða genum er slökkt á (það getur ekki verið heppilegt að mynda of mikið af meltingarensímum í höfðinu).

Ian Dworkin, vinur minn og samstarfsmaður, sendi mér tengil á "njarðarlegasta" rap sem til er. Ástæðan fyrir því að ég deili því með ykkur er ást mín á genum, þótt vissulega sé líklegt að einungis nemendurnir okkar kunni að meta herlegheitin (þeir syngja nefnilega ekkert sérstaklega vel!).

Sjá umfjöllun og myndband á Tiernylab, Rappin´ for science.

Athugasemdir

[Kolla (IP-tala skráð) 18.3.2009 kl. 15:50]

Gargandi snilld :)

[Arnar Pálsson, 18.3.2009 kl. 16:55]

Gaman að heyra að þér líkar herlegheitin. Maður þarf að vera nokkuð harðsvíraður til að "gúddera" svona lagað.

[Kolbrún Kolbeinsdóttir, 18.3.2009 kl. 19:03]

Já ég er náttúrulega mikið hörkutól þannig að þetta á vel upp á pallborðið

[Arnar Pálsson, 19.3.2009 kl. 10:51]

Akkúrat þessir guttar eru alger hörkutól, en kunna alveg að sprella. Sú lýsing á ágætlega við þig líka.