Erindi: Kvikasilfur í þingvallaurriða

 Þungmálmar og snefilefni finnast í öllum lífverum. Eiturefnafræðin og eiturefnavistfræðin fjalla um vandamál geta hlotist af ef styrkur slíkra verður of hár. Þau haft skaðleg áhrif á viðgang og starfsemi lífverunnar og einnig tegundir sem leggja hana sér til munns. Maðurinn er afræningi, sem leggur sér til munns dýr ættuð úr mörgum vistkerfum og af mismunandi stigum þeirra. Urriðinn í Þingvallavatni er einnig afræningi, ofarlega í fæðukeðjunni.

Matís og Laxfiskur hafa staðið fyrir rannsókn á magni kvikasilfurs í Þingvallaurriðanum og samkvæmt fréttatilkynningu er styrkur eitursins yfir viðmiðunarmörkum í meirihluta stórra fiska í vatninu. Niðurstöðunum verða gerð skil í erindi á morgun, miðvikudaginn 20 maí 2009, sbr. tilkynningu:

Matís og rannsóknafyrirtækið Laxfiskar halda fund til að kynna niðurstöður sameiginlegrar rannsóknar á magni kvikasilfurs í urriða úr Þingvallavatni. Hagsmunaaðilar og aðrir áhugasamir eru boðnir velkomnir á fundinn. Rannsóknin hafði manneldissjónarmið að leiðarljósi og var framkvæmd til að draga upp mynd  af magni kvikasilfurs í Þingvallaurriðum með hliðsjón af stærð þeirra og forsögu.

Fundurinn verður haldinn miðvikudaginn, 27. maí 2009, kl 14:00 í Sjávarútvegshúsinu, Skúlagötu 4, á 1. hæð.

Niðurstöður rannsóknarinnar sýna að kvikasilfur er mælanlegt í Þingvallaurriða.  Í vissum tilvikum er magn kvikasilfurs í fiskholdinu yfir leyfilegum mörkum Evrópusambandsins fyrir styrk kvikasilfurs í matvælum. Smærri urriðinn er gegnumsneitt undir þeim mörkum en eftir að urriðinn hefur náð ákveðinni stærð eru umtalsverðar líkur á því að hann innihaldi meira kvikasilfur en viðmiðunarmörk gera ráð fyrir.

Sjá einnig umfjöllun á heimasíðu Matís.

Starfsfólk Náttúrufræðistofu Kópavogs vaktar einnig lífríki Þingvallavatns, vonandi mætir það á erindið á morgun og leggur orð í belg.

Athugasemdir

[Konráþ (IP-tala skráð) 26.5.2009 kl. 02:52]

Það á að banna kvikasilvur-tannfidlingar, kvikasilvur-hitamæla og kvikasilvur-ljósaperur. Víða um heim er firir löngu búið að forbjóða kvikasilvur-hitamæla enda duga alkahól-hitamælar ödlu venjulegu fólki. Kvikasilvur er málmur með óvenju lágt likvadeisjon stig eða - 38.8 gráður á selsíus. Firir vikið guvast hann oft upp við stovuhita og þú gjedur andað honum að þjer.

VG hava ekki staðið sig gegn svona löguðum efnum og eru aðalega á móti vatnsaflsvirkjunum.

Ef þú settir tildæmis tíkall í glas með kvikasilvri mindi tíkadlinn fljóta á kvikasilvrinu og það er óvenjulegt að sjá það.

[Arnar Pálsson, 28.5.2009 kl. 12:21]

Konráþ

Það er rétt hjá þér við verðum að komast að uppsprettu kvikasilfursins. Staðreynd málsins er að kvikasilfur er náttúrulegt efni sem finna má í náttúrunni, en við verðum vitanlega að passa okkur á því að innstreymi hans í viðkvæm vistkerfi og/eða fæðukeðuna aukist ekki úr hófi.

VG hafa ágæta stefnu varðandi vatnsaflsvirkjanir, en það er ekki bara stjórnmálaflokka að berjast fyrir náttúrunni. Það er allra mál, félagasamtaka, flokka, stofnanna og einstaklinga. Hvert einasta lóð skiptir máli, hvort sem það sé tiltekt á Ægisíðunni, breyting á neysluvenjum eða það að hjóla í vinnuna í stað þess að keyra.

[Haraldur Rafn Ingvason, 28.5.2009 kl. 18:29]

Þetta kvikasilfurmál er allt hið athyglisverðasta. Vonandi verður þessum niðurstöðum fylgt eftir með hnitmiðuðum framhaldsrannsóknum.

Legg til að við stofnum stjórnmálaflokk um þetta tiltekna málefni. Nafn hans yrði að sjálfsögðu skammstafað Hg...