Nóbelsverðlaun fyrir norrænar rannsóknir

Það er til dálítið sem heitir Nóbelsverðlaun í læknisfræði.

Anders Jahres verðlaunin í læknisfræði sem veitt eru lækna og lífvísindamönnum, starfandi á norðurlöndum.

Mér finnst misvísandi af mbl.is að kalla þetta nóbelsverðlaun norðurlanda.

Ef líffræðifélagið færi allt í einu að gefa verðlaun í hryggleysingjum sem íslendingar rannsaka, myndum við þá kalla það nóbelsverðlaun íslands í hryggleysingjum?

Við kætumst öll þegar íslendingar fá verðlaun, en gleymum stundum hinum sigurvegurunum. Kári okkar deilir verðlaununum með Anders Tengholm og Jukka Westermarck. og í fyrra fengu ekki ómerkari menn en Ole P. Ottersen, Mahmood Amiry-Moghaddam og Mikael Björklund verðlaunin.  Mahmood vann til að mynda að rannsóknum á Aquaporin, ásamt annarri íslenskri hetju Pétri Henry Petersen.

Nöldurkvótinn minn er búinn í bili, fæ nýjan skammt í næstu viku.

Kári fær norræn læknaverðlaun

Athugasemdir

[Hólmfríður Pétursdóttir, 22.10.2009 kl. 14:23]

Hver úthlutar nöldurkvóta?

[Bjarki (IP-tala skráð) 22.10.2009 kl. 14:39]

Maður hefði haldið að nóbelsverðlaunin væru "einhverskonar nóbelsverðlaun Norðurlandanna".

[Arnar Pálsson, 22.10.2009 kl. 16:34]

Kvart-og-kveinamálaráðaneytið er ágætis uppspretta, en þeir sem eru í mikilli nöldurneyslu hafa fleiri leiðir, ekki allar löglegar.