Darwin bolir í úrvali

Hagsmunafélag líffræðinema (haxi, einnig á fésbók) hefur séð um veitingar og kaffi í kringum Darwin dagana 2009.

Haxi lét búa til boli í tilefni Darwin daganna, sem verða seldir nemendafélaginu til stuðnings (2000 ISK stykkið) - hafið samband við Haxa.

Nokkur litatilbrigði eru til en mest er eftir af þessum gráu (sjá til hliðar). Aðrar litagerðir eru gult (stelpusnið og small), fjólublátt (small) og brúnt (strákasnið - large).

Myndirnar er teiknaðar af listapennanum Bjarna Helgasyni (sjá einnig Ekkert), sem skóp meðal annars bæklinginn fyrir nýafstaðna líffræðiráðstefnu hérlendis og plakatið fyrir Darwin dagana (mynd að neðan).

 

Athugasemdir

[Jón Steinar Ragnarsson, 22.11.2009 kl. 16:27]

Nú er 150 ára útgáfuafmælið ekki á morgun heldur hinn. Verður partý?

Það var partý hjá mér á afmælisdag Darwins, enda eigum við afmæli sama dag. Aðeins 150 ár á milli okkar.

[Arnar Pálsson, 22.11.2009 kl. 16:45]

Sæll Jón

Háskóli Akureyrar og Háskólinn á Hólum ætla að vera með smá húllumhúbla (lesist mjög virðuleg ráðstefna) í tilefni dagsins, undir yfirskriftinni Undur náttúrunnar.

Ég skora á fólk að gera sér dagamun, blása í blöðrur, baka pæ og drekka mjöð.

Í það minnsta kíkja á bókina sjálfa. Hún er aðgengileg á vefnum (skoða fyrstu útgáfu hún er best) og auðvitað í þýðingu Guðmundar Guðmundssonar.

[Jón Steinar Ragnarsson, 22.11.2009 kl. 18:03]

Ég á bókina 1993 í útgáfu (Ekki hina annáluðu Cameron / Comfort útgáfuna, þótt gaman væri að eiga hana hehe)

Pældi mig í gegnum hana á sínum tíma og þetta er ansi læsilegt rit af fræðiriti að vera og ákafi Darwins geislar út úr henni, enda ekkert skrítið ef maður hugsar út í þær víðáttur, sem opnuðust hjá honum við þessa uppgötvun.

Kannski maður skelli sér yfir Lágheiðina og kíki á húlabbalúið.

[Haraldur Rafn Ingvason, 22.11.2009 kl. 22:40]

Þarf að fá mér bol...

[Kama Sutra, 23.11.2009 kl. 03:33]

Krúttleg mynd af karlinum á bolnum.   Verð að eignast einn.

[Kama Sutra, 23.11.2009 kl. 03:34]

Altso bol en ekki kall.

[Kama Sutra, 23.11.2009 kl. 03:35]

Þótt það geti verið ágætt að eiga kall líka.   Ekkert út á þá að setja.

[Arnar Pálsson, 23.11.2009 kl. 10:42]

Jón Steinar, aha, bókafíkill!

Hún er merkilega læsileg, þó vitanlega hafi karl Darwin ekki verið nein Jónas Hallgrímsson.

Það er hægt að fara töluverðan spöl á ástríðunni, jafnvel yfir Lágheiðina.

Haraldur og Kama Sutra.

Haxi selur boli, en virðast ekki vera á þeim buxunum(eða pilsunum) að selja kalla í náinni framtíð. 

[Stjörnufræðivefurinn (www.stjornufraedi.is), 23.11.2009 kl. 15:35]

Það væri gaman að eiga Charles Darwin "action figure". Svona í stíl við bolinn sem ég keypti mér hjá ykkur líffræðingunum.

[Arnar Pálsson, 23.11.2009 kl. 16:33]

Sævar

Hérna ertu komin með nýsköpunarhugmynd, sæktu um kennitölu og farðu að framleiða Galileó, Darwin, Newton og Crick.

[Jóhannes (IP-tala skráð) 23.11.2009 kl. 17:16]

Já ég væri til í Darwin kall. Svo ef maður er grand á því fylgir Hvutti með.

[Arnar Pálsson, 23.11.2009 kl. 19:36]

Jóhannes

Þú ert kominn með heila dótalínu, ég væri líka til í einn Kimura sitjandi á hlutlausri kenningu.

[Kama Sutra, 24.11.2009 kl. 01:38]

Áhugaverð vörulína að þróast hérna - allt út af einum kalli.