Raforkuverð til Norðuráls

Orkubloggarinn fjallar um skýrslu Hatch um orkuverð til Norðuráls. Strictly Confidential

Þar á bæ þótti eðlilega fréttnæmt að hið nýlega álver Norðuráls á Grundartanga greiði sem nemur um 25-30% lægra verð fyrir raforkuna, heldur en orkuverð til álvera í heiminum er að meðaltali. 

...

Og eins og venjulega þegar einhver nýtur óvenju góðra kjara - sérkjara -  er einhver annar sem er hýrudreginn. 

Gott fólk, það er Landsvirkjun og þar með íslenska þjóðin sem er hýrudregin.

Ég er þeirrar skoðunar að við eigum að vernda náttúrunna, náttúrunnar vegna. Það er hreinlega rangt að mínu mati að setja upp ágoða af virkjun á móti illa skilgreindum ágoða af ósnortnu landi, eins og Landsvirkjun er tamt.

Því fleiri ósnortin svæði sem við virkjun, því fágætari og einstakari verða þau svæði sem eftir standa. Auðlindir vatnsfalla Íslands eru takmarkaðar, og því ber okkur að umgangast þær og nýta af ráðdeild.

Ólafur Páll Jónsson heimspekingur hefur rætt muninn á þessum tveimur nálgunum í umræðunni um náttúruvernd og nýtingu, sérstaklega í bókinni Náttúra, vald og verðmæti.

Sjá einnig annan góðan pistil orkubloggarans:

Leyndarmálið um raforkuverð til álvera á Íslandi

Leiðrétting:

Nafni minn á bestu þakkir skyldar fyrir að benda á gallaða setningu: "náttúrunnar vegna ekki vegna." Feitletruðu orðunum var ofaukið og þau hafa verið fjarlægð.

Athugasemdir

[Arnar, 24.3.2010 kl. 10:37]

Ég er þeirrar skoðunar að við eigum að vernda náttúrunna, náttúrunnar vegna ekki vegna.

 :)

Þótt ég sé þannig séð engin gífurlegur náttúruverndarsinni, þá finnst mér helv.. skítt að eyðileggja náttúruna fyrir eitthvað sem gefur ekkert af sér.

Ef álfyrirtæki væru virkilega að koma til íslands til að nota náttúruvæna-orku (þe. ekki kol, gas eða annað) þá ættu þau að vera tilbúin að borga meira fyrir hana.  Ég sé ekki betur en að eina, eða amk. helsta, ástæða þess að álver eru byggð á íslandi sé sú að hérna sé ódýrasta rafmagn í heimi (með öllum afsláttunum sem þeir fá).

[Arnar Pálsson, 24.3.2010 kl. 11:11]

Takk nafni fyrir leiðréttinguna.

Ég tek undir með þér.

Mér finnst mjög sérkennilegt hversu litla umræðu þessi frétt hefur vakið. Hulunni hefur loksins verið svipt af leyndardómum Landsvirkjunar og það eru engin mótmæli.

[Arnar, 24.3.2010 kl. 11:22]

Íslendingar virðast eitthvað hræddir um að álfyrirtækin loki og fari heim.

Og svo virðast fréttamiðlar hræddir við að birta óvinsælar (hjá ráðamönnum) fréttir.  Svona eins og fyrir bankahrun voru nánast eingöngu jákvæðar fréttir um íslenskan fjármálamarkað.  Sýnist lítið hafa breyst þar á bæ.