Húrra fyrir erni

Það munaði ótrúlega litlu að erninum hafi verið útrýmt af Íslandi á síðustu öld. Blessunarlega höfðu framsýnir menn vit á að láta vernda hann, en stofninn er enn mjög lítill. Það er sérstaklega gaman að heyra að hann skuli vera að hjarna við, nú á ári líffræðilegrar fjölbreytni.

Fyrir tveimur árum fékk ég lánaða mynd af arnarunga fyrir kynningarstarf líffræðiskorar HÍ. Ég læt hana fylgja hér því hún er hreint stórkostleg.

Myndina tók Róbert Arnar Stefánsson (copyright), Náttúrustofu Vesturlands í Stykkishólmi. Á vef stofunnar má finna fleiri myndir af örnum og náttúru Breiðafjarðar. 

Hér er síðan auglýsingin fullunnin, í baksýn má sjá litaðar frumur (sem Skarphéðinn Halldórsson tók - copyright).

 

Arnarvarpið framar vonum í sumar

Athugasemdir

[Hlynur Þór Magnússon (IP-tala skráð) 2.6.2010 kl. 18:09]

Ef ég man rétt, þá var bannað eitthvað um 1960 að setja eitur í hræ úti á víðavangi til að vinna á ref. Eitrun þessi var það skaðvænlegasta fyrir örninn, sem er ekki aðeins veiðifugl heldur einnig hrææta.

[Arnar Pálsson, 3.6.2010 kl. 11:39]

Sæll Hlynur

Ég man þetta ekki alveg sjálfur, en samkvæmt fuglavernd hefur þú rétt fyrir þér. Ernir geta ekki leyft sér neina sérvisku, þeir þurfa sinn bita og engar refjar.

http://www.fuglavernd.is/arnarvernd/html/verndun/index.html