Stórviðburðir í náttúrunni

Viðvörun, lifandi sjónvarpsefni kemur á skjáinn í kvöld. Alvöru raunveruleikaþáttur um stórviðburði í náttúrunni. Um er að ræða þáttaröð frá BBC um öfl náttúrunnar og hversu víðtæk áhrif þau hafa á lífríki og vistkerfi, jafnvel óraveg í burtu. Þulur er náttúrufræðingurinn og heiðursdoktorinn David Attenborough.

Fyrsti þátturinn verður sýndur kl. 20.15 og er titlaður leysingarnar miklu á vef RÚV. Hann fjallar um breytingar sem verða á lífríki heimskautasvæða með tilkomu vorsins, sbr. vef RÚV:

Þegar veturinn er loksins liðinn og sólin hækkar á lofti yfir norðurheimskautssvæðinu verða þar miklar sumarleysingar og undan hafísnum birtast eyjaklasi, sund og höf. Konungar ísbreiðunnar, hvítabirnirnir, eru nú í háska staddir þegar þeir komast ekki út á ísinn til veiða en refir, mjaldar, náhvalir og gríðarstórir fuglahópar njóta þess að sumarið stutta gerir norðurheimskautssvæðið að gósenlandi.

Athugasemdir

[Ragnar Gunnlaugsson, 30.11.2009 kl. 21:55]

Góður þáttur sem allir horfðu á,meira að segja heimilis kötturinn horfði með miklum áhuga,sennilega óvarlegt að segja frá því verður kannski rukkaður um útvarpsgjald.

[Arnar Pálsson, 1.12.2009 kl. 09:32]

Sammála, þetta var mjög flottur þáttur.

Myndatakan var sérstaklega áhrifarík, þetta hlýtur að hafa verið þolraun fyrir tökufólkið.

[Arnar, 1.12.2009 kl. 09:43]

Hefur þetta ekki verið sýnt áður?

Sá reyndar ekki nema smá af þættinum, Náhvalina að synda eftir sprungunum í ísnum.  En hef einhvern tíman áður séð þátt, með Attenborough, sem fjalaði einmitt um vor á norðurslóðum.

Kallinn er reyndar búinn að gera svo marga þætti að maður fer kannski að rugla þessu öllu saman.

[Arnar Pálsson, 1.12.2009 kl. 09:56]

Kallinn var þulur í þessum þætti, handritið er unnið af fólki á BBC.

Vefsíða þáttaraðarinnar á BBC er merkilega veigalítil, en þar má þó finna nokkra tengla á myndbrot á Youtube.