Háskóladagur: Klónar, DNA, dýr og frumur í Öskju 5. mars

Síðustu ár hefur líffræðin opnað tilraunastofur í Öskju - náttúrufræðihúsi Háskóla Íslands á Háskóladeginum.

Í ár kynnum við BS nám í líffræði og BS nám í sameindalíffræði og lífefnafræði í samstarfi við Raunvísindadeild HÍ.

 

Staður og stund: 12 til 16 þann 5. mars í Öskju - Náttúrufræðihúsi HÍ.

Tilraunastofur verða opnar gestum. Til sýnis verða

Klónar

Fiskar og sjávarlífverur

Einangrun á DNA úr jarðarberjum

Margvíslegar örverur

Rafeindasmásjá

Höfuðkúpur mismunandi dýra, frá hrefnu til Neanderdalsmanns

Erfðabreyttir sveppir og kynjaplöntur

Verkfæri og aðferðir sem notaðar eru við rannsóknir á fiskistofnum

DNA örflögur til að skoða tjáningu gena mannsins

Fuglshamur Loka*

Tanngarður úr hákarli

Nemendur og kennarar í líffræði, lífefnafræði og sameindalíffræði verða til taks og útskýra uppbyggingu námsins, helstu áherslur og framtíðarmöguleika að námi loknu.

Háskóladagurinn í HÍ verður í fleiri byggingum og í Öskju bætast við félagar okkar á Verk og náttúruvísindasviði.  

Mynd 1. Fannar Þeyr Guðmundsson - tekin í Eyjafirði við rannsóknir. Mynd 2. Sara Sigurbjörnsdóttir klónar gen. Mynd 3. Genatjáning í fóstrum ávaxtaflugunar á ~3 klst. þroskunar - mynd úr grein Lott og félaga 2007 í PNAS.

*Já eða af alvöru fuglum

Athugasemdir

[Jón Þórhallsson (IP-tala skráð) 3.3.2016 kl. 12:37]

Þó svo að það séu engin korn-munstur á íslandi að þá þyrfti Háskóli Íslands/hugvísindadeildin að mynda sér opinbera skoðun á þessum málum í rúv sjónvarpi:

https://www.youtube.com/watch?v=MmXU1XRhAB0