Háskóladagurinn 3. mars, opnar tilraunastofur

Síðustu ár hefur líffræðin opnað tilraunastofur í Öskju - náttúrufræðihúsi Háskóla Íslands á Háskóladeginum.

Við kynnum BS nám í líffræði og BS nám í sameindalíffræði og lífefnafræði í samstarfi við Raunvísindadeild HÍ.

 

 

Staður og stund: 12 til 16 þann 3. mars í Öskju - Náttúrufræðihúsi HÍ.

Tilraunastofur verða opnar gestum. Hægt verður að fræðast um viðfangsefni líffræði, sameindalíffræði og lífefnafræði. Til dæmis

Hvernig er hægt að klóna gen?

Hvernig er hægt að klóna lífverur?

Býr drápseðli í DNA?

Hvernig breytist vistkerfi hafsins við hlýnun jarðar?

Hvað eru mörg gen í jarðarberjum?

Hvernig lifa örverur í heitum hverum?

Hver er munurinn á höfuðkúpu mannsins og Neanderdalsmannsins

Hvernig er lífsferill þorskins?

Hvers vegna fylltis Kolgrafafjörður af síld?

Hvernig getum við skoðað virkni allra gena mannsins í frumum?

Hvernig vaxa tennur hákarla? 

Hvers vegna þykist blóm vera hræ?

Nemendur og kennarar í líffræði, lífefnafræði og sameindalíffræði verða til taks og útskýra uppbyggingu námsins, helstu áherslur og framtíðarmöguleika að námi loknu.

Mynd 1. Fannar Þeyr Guðmundsson - tekin í Eyjafirði við rannsóknir. Mynd 2. Arnarungi, mynd tók Róbert A. Stefánsson - forstöðumaður Náttúrustofu Vesturlands. Mynd 3. T. rex eðlan Sue í Field museum í Chicago. Mynd 4. Aristolochia gigantea, tekin í grasagarðinum í Graz. Mynd 5. Genatjáning í fóstrum ávaxtaflugunar á ~3 klst. þroskunar - úr grein Lott og félaga 2007 í PNAS.

Athugasemdir

[Jón Þórhallsson, 26.2.2018 kl. 12:14]

Ég skora á líffræðideild Háskóla íslands og RÚV-sjónvarp að setja sig í samband við erlenda Háskóla og fylgja eftir DNA þeim rannsóknum sem að hafa nú þegar verið framkvæmdar af viðurkenndu vísindafólki:

BIGFOOT:

https://thjodarskutan.blog.is/blog/gudspekifelag_s/entry/1460069/

----------------------------------------------------------------

GRÁUM GEIMVERUM: (Neðsta myndbandið)

https://thjodarskutan.blog.is/blog/gudspekifelag_s/entry/1360331/

-----------------------------------------------------------------

HAFMEYJUM:

https://thjodarskutan.blog.is/blog/gudspekifelag_s/entry/1327877/

[Jón Þórhallsson, 26.2.2018 kl. 18:03]

Mikilvæt að rúv-sjónvarp/vísindin  séu að sýna okkur eitthvað nýtt og spennandi/leysa ráðgátur

frekar en að sýna okkur alltaf sömu apa  og rottu-rassana í hinum venjulegu dýralífsmyndum.

https://thjodarskutan.blog.is/blog/thjodarskutan/entry/2208415/

[Arnar Pálsson, 27.2.2018 kl. 08:45]

Sæll Jón

Því miður eru ekki haldbær gögn sem styðja tilvist þessara fyrirbæra sem þú telur upp, frekar en Bergrisans fróma góða, Willy Wonka og risastóru ferskjunar.

DNA greiningar hafa verið gerðar á allskonar sýnum sem áttu að vera af stórfæti, yeti eða geimverum, en sýnin reyndust úr björnum, hundum og káli.

Nýjust þættir BBC eru einmitt ekki venjulegar náttúrulífsmyndir, heldur vísindalegir könnunarleiðangrar. Samanber þáttinn um stökkhæfni flóa og mælingar á hraða og veiðifærni blettatígursins.

http://ruv.is/spila/ruv/attenborough-furdudyr-i-natturunni/20180221

mbkv,A

[Jón Þórhallsson, 27.2.2018 kl. 09:24]

Ég skora á almenning að skoða allar þessar vefslóðir sem að eru hérna fyrir ofan og dæma síðan sjálfa.

[Jón Þórhallsson, 27.2.2018 kl. 11:04]

Þarna er um að ræða fólk með Dr.gráður í öllum tifellum.